【Yes娛樂新聞中心】
圖：家輝（右）和心悠穿上球衣出席品牌活動
四年一度的世界杯即將開鑼，張家輝雖然不是足球狂熱分子，但對於這頂級盛事也會留意，不過自言孤獨成性的他，無意約朋友一齊睇波，只會在家中欣賞，但一定會支持跟他有如餅印的阿根廷球星美斯，大讚對方有技術不只是sell靚仔，跟他一樣。
張家輝及劉心悠昨日為早前拍攝的品牌世界杯宣傳照進行揭幕儀式，並與約六米高的「足球小將」雕像合照，引來大批市民圍觀。對於世界杯即將開鑼，問他會否特地訂酒店約朋友一齊睇波？他笑道：「我孤獨成性，會自己在家欣賞，或者中途會打電話給朋友，（不怕騷擾家人？）我家的滅聲設備幾好，老婆如果睡不著也會陪我睇，但囡囡還不懂欣賞。」他喜歡的是德國隊，至於喜歡的球星則是阿根廷球星美斯，原來他有留意網友指他跟美斯相似，他還即場扮評述員講波：「張家輝畀人鏟低，張家輝有波入喇！」但他本身卻不覺得他們相似，但大讚美斯是超級足球巨星，有技術絕不符碌，跟他一樣不只是sell靚仔，又笑言美斯識揀人相似。而穿上球衣的他，坦言令他想起當年在電影《賭俠1999》笠頭套扮朗拿度，他道：「當年這條橋是work的，之后王晶又用了幾次，給其他人演，就沒有我這麼好羅！」未來數月他都有新戲推出，他笑說：「大家不要討厭我啊！」
心悠邊敷面膜邊睇波
心悠臉上有不少粒粒，她解釋因近期睡眠質素差容易醒，加上飛來飛去，空氣污濁引起敏感，她道：「近期經常下雨，被雨水打在冷氣機上的聲音嘈醒，所以醫生都叫我睡多些。」提到世界杯即將開鑼，她笑言今次要揀個靚仔球星來追，提到要捱夜睇世界杯可擔心令皮膚質素更差？她笑道：「我會邊敷著面膜邊看，而且好想跟朋友一齊睇，但他們未必做夜貓子，（你會否賭球？）我不懂足球很容易輸，如果不賭只玩玩也OK，（會否去夜場睇波兼結識異性？）如果去夜場我會跟一班認識的朋友去，而且大家都專心睇波，不會睇我啦！」
來源：
今日點閱排行：
