相信「煲劇」對一眾媽媽嚟講，簡直係精神食糧！每次煲劇都可以輕鬆一下，得閒睇下唔同題材嘅劇集，有時仲可以學到嘢添，但亦有人會話煲劇好浪費時間。不過，最近外國就有研究指出，原來煲劇其實會令人變得聰明，而且仲會比冇煲劇嘅人醒目，有呢啲理據之後，大家可以盡情咁睇劇啦！
撰文：Kammy｜圖片來源：Instagram，節目截圖，unsplash
延伸閱讀：
研究：常煲劇的人更聰明
相信大家都一定有經歷過做「煲劇精」嘅階段，有時追起劇上嚟真係唔會想停，一定要睇埋先想瞓。有時仲會偵探上身，會掌握到故事發展嘅模式，好似劇情內嘅謀殺案件中，某啲人嘅反應會令你知道佢係兇手，某啲人嘅說話令你知道佢係所隱瞞等，好似睇完劇後變得愈嚟愈聰明！
延伸閱讀：
外國學術期刊 Psychology of Aesthetics, Creativity and the Arts就對煲劇嘅人作出研究，研究中將觀察對象分為兩組，一組畀佢哋睇電視劇：《The West Wing》、《Mad Men》以及《The Good Wife》；另一組就睇生態紀錄片《Shark Week》，然後再畀兩組人填寫人物表情同心理活動，以及智力測驗。
延伸閱讀：
研究指出，觀看電視劇嘅參選者喺測驗中，比另一組人更有同理心同同情心。另外，喺智力測驗中，觀看電視劇嘅參選者表現明顯比看紀錄片嘅參選者更好。
研究又指，大家喺煲劇時會不自覺地作出劇情推測，呢啲聯想通通都係可以促進腦部思考，重複嘅推斷會對劇情發展同故事規模有一定嘅掌握，增強批判思考同判斷能力，久而久之變得愈嚟愈聰明，對劇集嘅了解便得心應手。
延伸閱讀：
煲劇可訓練讀心術
另外，研究指出，由於劇集內為咗可以突顯角色嘅情緒同性格特徵，好多時都會運用特寫鏡頭拍攝。當觀眾反覆地睇類似嘅鏡頭運用後，對於劇集人物嘅性格印象會開始潛移默化，漸漸就會有分辨其他人情緒嘅能力。
延伸閱讀：
久而久之，觀眾喺現實中都可以憑對方嘅表情動作，大約得知對方喺度諗緊咩，從而學識讀心術。因此，經常煲劇嘅人會擁有較高嘅社交智慧，仲會比其他人更識察言觀色。
延伸閱讀：
透過煲劇學習不同知識
其實好多劇集入面，都會擁有大量嘅知識，當中有醫療、犯罪心理學等知識，所以點解啲人會話煲劇會聰明啲，其中一個原因就係因為大家可以喺劇集嘅內容中學到唔同嘅嘢，係令大家變聰明嘅一大重點。「煲劇」絕對係腦補最佳嘅消磨活動！
延伸閱讀：
延伸閱讀：
